| |
Dal Dialetto milanese...
Pussee che on mont a l’è on monton de terra
che la natura in verd la quatarà.
Insci sarann sconduu i orror de guerra
e fra on quai ann nissun ricorderà
che quell che ciamen ’na montagna ormai
l’è fada de macerie e catanaj.
De nòster catanaj, de nòst casett
che anca a tocchej sortissen el sò effett.
Me te see bella in controlus stassera!
Te guardi e te me paret vera!
Te see costada lacrim e sospir
tomba di nòster cà, montagna de San Sir.
Per mett insemma tutta ’sta montagna
gh’emm vuu bisogn de Ingles e American:
Lor gh’hann miss tanti bomb e la vergogna
Num, sporch de sangh i tocch del nòst Milan.
La guerra l’è finida, tucc amis
desmenteghemm tuscòss, vivemm in pas!
Ma se combinazion ghe passi arent
la mia casetta la me torna in ment
Me te see bella in controlus stassera!
Te guardi e te me paret vera!
Te see costada lacrim e sospir
tomba di nòster cà, montagna de San Sir.
|
|
Origine del meneghino
Merculdì
