| |
Dal Dialetto milanese...
Voeuri dill, me fà nient
la mia canzon l'è forse irriverent...
Me fà nient, voeuri dill ;
doperi i mè penser, minga 'l fusill !
Milàn l'è dree a capì che i "star del milanes"
hinn diventaa on malann puttòst estes
perchè nel scriv poesii e in del cantà canzon
rovinen la soa grand reputazion...
Basta col coeur in man
despess l'è ipocrisia
coi canzon e i festival l'è on' agonia
Basta sgranà la vos
per fà sentì la nebbia
L'è penos vedè Milàn vosà in la gabbia!
Voeuri dill, me fà nient
in tanti me darann del prepotent.
Me fa nient, voeuri dill
perchè l'è pussee inutil vess gentil.
Basta ciamall "dialett".
Milàn el gh'ha ona lingua,
coi regòrd martirizzaa el gh'entra minga!
Basta coi s'cèppa coeur che canten la Baggina
perchè i vecc gh'hann nò bisògn de naftalina.
Milàn l'è dree a capì che'l gh'ha bisògn de crèss,
de palesà i valor che' l sent adèss ;
el voeur la dignità, l'identità per viv,
freschèzza in del cantà e anca in del scriv....
Basta coi cantautor che scriven mai ona rima
e se fann scriv i canzon da quej "de primma"
Basta con quei borios; per fama fann sì penna
pien de copp e medajon lor vann in scèna
Basta con quej che fann cultura rossa o nera
per ciapass a cortellad in la ruera!
Basta sconfond anmò canzon col nòmm "Poesia"
minga tucc vegnen su ben, compres la mia !
Canzone di Walter di Gemma
Segnalato da Su gentile concessione di Walter di Gemma 
|
|
Origine del meneghino
Merculdì
